ໜ້າຫຼັກ

ແຂວງຫຼວງພະບາງ (ຄຳເຄົ້າ: ແຂວງຫຼວງພຣະບາງ, ອັງກິດ: Luangprabang) ເປັນແຂວງໜຶ່ງຂອງ ປະເທດ ສາທາລະນະລັດ ປະຊາທິປະໄຕ ປະຊາຊົນລາວ ຕັ້ງຢູ່ທາງພາກເໜືອຂອງປະເທດ ບໍລິເວນແຄມຝັ່ງແມ່ນ້ຳຂອງ ແລະ ແມ່ນ້ຳຄານ ຊຶ່ງໄຫຼມາປ່ອງໃສ່ກັນ ແລະ ມີເມືອງເອກ ແມ່ນ ເມືອງຫຼວງພະບາງທີ່ເປັນມໍລະດົກໂລກອີກດ້ວຍ. ເນື້ອໃນ  [ເຊື່ອງ]  ໑ ປະຫວັດແຂວງຫຼວງພະບາງ ໒ ທີ່ຕັ້ງ ໓ ປະຊາກອນ ໔ ສະພາບເສດຖະກິດ-ສັງຄົມ ໕ ບັນດາເມືອງ ໖ ສະຖານທີ່ທ່ອງທ່ຽວ ໗ ອາຫານປະຈຳແຂວງຫຼວງພະບາງ ໘ ແຫຼ່ງຂໍ້ມູນອື່ນ ປະຫວັດແຂວງຫຼວງພະບາງ[ແກ້ໄຂ] ເບິ່ງບົດຄວາມຫຼັກທີ່ ເມືອງຫຼວງພະບາງ ເມືອງຫຼວງພະບາງ ແມ່ນ ເມືອງເອກຂອງແຂວງຫຼວງພະບາງ ໄດ້ຮັບການຍົກຍ້ອງໃຫ້ເປັນມໍລະດົກໂລກຈາກອົງການຢູເນສໂກ ປະເທດຍີ່ປຸ່ນ ໃນວັນທີ 9 ເດືອນ 12 ປີ 1995 [[ປູ່ເຍີຍ່ Lao-Korea ທີ່ຕັ້ງ[ແກ້ໄຂ] ທິດເໜືອຕິດກັບ ແຂວງຜົ້ງສາລີ ທິດໃຕ້ຕິດກັບ ແຂວງວຽງຈັນ ທິດຕາເວັນອອກຕິດກັບ ແຂວງຫົວພັນ, ແຂວງຊຽງຂວາງ ແລະ ສ.ສ ຫວຽດນາມ ທິດຕາເວັນຕົກຕິດກັບ ແຂວງອຸດົມໄຊ ແລະ ແຂວງໄຊຍະບູລີ ປະຊາກອນ[ແກ້ໄຂ] ແຂວງຫຼວງພະບາງ ມີປະຊາກອນທັງໝົດ 431,439 ຄົນ ເປັນຜູ້ຊາຍ 215,999 ຄົນ, ຍິງ 215,440 ຄົນ ມີຄວາມໜາແໜ້ນ 26 ຄົນຕໍ່ກິໂລຕາແມັດ. ປະກອບດ້ວຍ: ລາວລຸ່ມ,ລື້,ຜູ້ໄທ,ກຶມ​ມຸ,ເຜົ່າມົ້ງ,ເຜົ່າຢ້າວ,ເຜົ່າອີກໍ້... ສະພາບເສດຖະກິດ-ສັງຄົມ[ແກ້ໄຂ] ການປູກ ຢາງພາລາ ທົ່ວແຂວງມີ ເນື້ອທີ່ 1 ລ້ານ 2 ແສນກວ່າ ເຮັກຕາ, ປູກຖົ່ວແຮປ່ອຍຄັ່ງ 2 ພັນກວ່າເຮັກຕາ,ໄມ້ສັກ 22 ພັນກວ່າເຮັກຕາ, ຫມາກນຳ້ມັນ 3.900 ກ່ວາເຮັກຕາ, ຊາແກ່ 8 ຮ້ອຍເຮັກຕາ,ເປືອກເມືອກ 27 ເຮັກຕາ, ປໍສາ 170 ກວ່າເຮັກຕາ ແລະ ໄດ້ຢຸດຕິການຖາງ ປ່າເຮັດໄຮ່ປູກເຂົ້າໄດ້ 113 ບ້ານ ມີ 10.742 ຄອບຄົວ, ປະຈຸບັນທົ່ວແຂວງຍັງມີບ້ານ ທີ່ຍັງເຮັດໄຮ່ທັງຫມົດ 425 ບ້ານ, ມີ 20.650 ຄອບຄົວ, ໃນເນື້ອທີ່ 13.511 ເຮັກຕາ, ລົບລ້າງບ້ານທຸກຍາກໄດ້613 ບ້ານ, ມີ 62.722 ຄອບຄົວ, ກວມ 75% ແລະ ໃນໄລຍະຜ່ານມາໄດ້ມີຂະບວນຂຸດ ທາງເຂົ້າບ້ານມີ 125 ບ້ານ, ທົ່ວແຂວງມີບ້ານທີ່ມີທາງລົດ ເຂົ້າເຖິງ 625 ບ້ານ, ມີໄຟ ຟ້າເຂົ້າເຖິງ 11 ເມືອງທົ່ວ ແຂວງ, ພ້ອມນີ້ຍັງໄດ້ຍົກໃຫ້ ເຫັນວຽກງານທ່ອງທ່ຽວຂອງ ແຂວງ ເຊິ່ງໃນແຕ່ລະປີມີນັກ ທ່ອງທ່ຽວເຂົ້າມາຫລວງພະບາງ ປະມານ 3 ແສນຫາ 4 ແສນຄົນ ສາມາດສ້າງລາຍຮັບ ແຕ່ລະປີຈາກການທ່ອງທ່ຽວ ໄດ້ປະມານ 72 ລ້ານໂດລາ ສະຫະລັດ. ບັນດາເມືອງ[ແກ້ໄຂ] ແຂວງຫລວງພະບາງປະກອບດ້ວຍ 12 ເມືອງຄື: 06-01 ເມືອງຫຼວງພະບາງ 06-02 ເມືອງຊຽງເງິນ 06-03 ເມືອງນານ 06-04 ເມືອງປາກອູ 06-05 ເມືອງນ້ຳບາກ 06-06 ເມືອງງອຍ 06-07 ເມືອງປາກແຊງ 06-08 ເມືອງໂພນໄຊ 06-09 ເມືອງຈອມເພັດ 06-10 ເມືອງວຽງຄຳ 06-11 ເມືອງພູຄູນ 06-12 ເມືອງໂພນທອງ ສະຖານທີ່ທ່ອງທ່ຽວ[ແກ້ໄຂ] ຫໍພິພິດທະພັນແຫ່ງຊາດຫຼວງພະບາງ ຫໍພະບາງ ພະບາງ ພະຣາຊະວັງຊຽງແກ້ວ ພູສີ ວັດຊຽງທອງ ຖ້ຳຕິ່ງ ຖໍ້ານາງອັ໋ນ ນ້ຳຕົກຕາດກວາງຊີ ນ້ຳຕົກຕາດທອງ ຕາດແສ້ ວັດວິຊຸນ ວັດໃໝ່ ວັດພະບາດໃຕ້(ວັດຫວຽດ) ວັດແສນ ວັດຄີລີ ວັດປ່າໂພນເພົາ ວັດທາດນ້ອຍ ວັດຫົວຊຽງ ວັດໂພນໄຊ ວັດຊຽງມ່ວນ ວັດຈຸມຄ້ອງ ວັດປ່າໄຜ່ ວັດສີພຸດທະບາດ ວັດໜອງສີຄູນເມືອງ ວັດສົບ ວັດສີບຸນເຮືອງ ວັດສິລິມຸງຄຸນໄຊຍາຣາມ ວັດປາກຄານ ວັດທາດຫຼວງ ວັດມະໂນຣົມ ວັດຖ້ຳພູສີ ວັດອາໄພ ວັດອາຮາມອຸດຕະມະທານີ ວັດໝື່ນນາ ວັດຈອມເພັດ ວັດຊຽງແມນ ວັດລ່ອງຄູນແລະຖ້ຳຄູຫາສັກກະລິນ ວັດສັງຄະໂລກ ບ້ານຊ້າງຄ້ອງ ບ້ານຜານົມ ຕະຫຼາດມືດ ສຸສານຫຼວງ(ປ່າຊ້າເຈົ້າຊີວິດ) ບ່ອນຝັ່ງສົບອອງຣີ ມູໂອດ ບ້ານຊຽງແມນ ບ້ານຫາດຫ້ຽນ ບ້ານຈ່ານ ບ້ານຊ່າງໄຫ ຕະຫຼາດຊົນເຜົ່າມົ້ງ ຕະຫລາດເຊົ້າຫລວງພະບາງ ຮ້ານກາເຟປະຊານິຍົມຫລວງພະບາງ ເຮືອນມໍລະດົກຊຽງມ່ວນ ເຂດບ້ານເຈັກ ອາຫານປະຈຳແຂວງຫຼວງພະບາງ[ແກ້ໄຂ] ແຈ່ວບອງ ໄຄແຜ່ນ ໝົກປາ ຍຳສະລັດຫຼວງພະບາງ ເອາະຫຼາມ ຂະໜົມຂີ້ໜູ ເຂົ້າໜົມປ່ານ ໜັງຍຳ ແຫຼ່ງຂໍ້ມູນອື່ນ[ແກ້ໄຂ] ຂ້ໍມູນເພິ່ມເຕີມ (ພາສາຝະລັ່ງ) CATEGORY: UNCATEGORISED POSTED ON7TH JULY 2017 ທຳມະຊາດ POSTED ON13TH JUNE 2017 ສະຖານທີ່ທ່ອງທ່ຽວຂອງປະເທດລາວ   ສະຖານທີ່ທ່ອງທ່ຽວໃນລາວ “ ມາຊົມຄວາມງາມຂອງທໍາມະຊາດ ແລະ ວັດທະນາທຳ ” ປະເທດລາວເປັນປະເທດທີ່ຖືກປົກຄຸ້ມດ້ວຍ ແຜ່ນດິນ ແລະ ພູເຂົາ ເຖິ່ງແມ່ນວ່າປະເທດລາວຈະບໍ່ມີແມ່ນຳ້ຕິດກັບທະເລແຕ່ປະເທດລາວກໍ່ອຸດົມສົມບູນໄປດ້ວຍຊັບມະຍາກອນທຳມະຊາດ. ນອກຈາກນີ້ປະເທດລາວຂອງເຮົາຍັງມີສະຖານທີ່ທ່ອງທ່ຽວຫຼາຍບ່ອນເຊັ່ນ: ຫຼວງພະບາງ, ນະຄອນຫຼວງວຽງຈັນ, ຈຳປາສັກ, ວັງວຽງ, ຊຽງຂວາງ… ທຳມະຊາດຂອງຫຼວງພະບາງ ປັດຈຸບັນ ແຂວງ​ຫຼວງ​ພະ​ບາງ ມີ​ແຫຼ່ງ​ທ່ອງ​ທ່ຽວ​ທັງ​ໝົດ​ຈຳນວນ 227 ແຫ່ງ ໃນ​ນັ້ນ​ເປັນ​ແຫຼ່ງ​ທ່ອງ​ທ່ຽວ​ວັດທະນະທຳ 86 ແຫ່ງ ທຳ​ມະ​ຊາດ 107 ແຫ່ງ ແລະ ແຫຼ່ງ​ທ່ອງ​ທ່ຽວ​ປະຫວັດສາດ 34 ແຫ່ງ ແລະ ບັນດາ​ແຫຼ່ງ​ທ່ອງ​ທ່ຽວ​ຈຳນວນ​ດັ່ງກ່າວ​ນີ້ ລ້ວນ​ແຕ່​ໄດ້​ຮັບ​ການ​ຄຸ້ມ​ຄອງ​ປົກ​ປັກ​ຮັກສາ ແລະ ພັດທະນາ ແລະ ຕະຫຼອດ​ໄລຍະ​ຜ່ານ​ມາ ແຂວງ​ຫຼວງ​ພະ​ບາງ ຍັງ​ໄດ້​ເອົາໃຈໃສ່​ໃນ​ການ​ປັບປຸງ​ພື້ນຖານ​ໂຄງ​ລ່າງ​ຮັບ​ໃຊ້​ການທ່ອງທ່ຽວ​ເຊັ່ນ: ລະບົບ​ຄົມມະນາຄົມ ແລະ ການ​ຂົນສົ່ງ​ທາງບົກ ທາງນ້ຳ ແລະ ທາງ​ອາກາດ ໃຫ້​ມີ​ຄວາມ​ສະດວກ​ສະບາຍ ມີ​ຄວາມ​ປອດ​ໄພ​ຫຼາຍ​ຂຶ້ນ ສະຖານທີ່​ທ່ອງ​ທ່ຽວ​ກໍ​ໄດ້​ຮັບ​ການ​ກໍ່ສ້າງ​ປັບປຸງ ແລະ ພັດທະນາ​ໃຫ້​ກ້າວ​ໄປ​ສູ່​ຄຸນ​ນະ​ພາບ ມາ​ຮອດ​ປັດຈຸບັນ ໂຮງແຮມ​ມີ​ເຖິງ 46 ແຫ່ງ ຣີ​ສອດ 14 ແຫ່ງ ເຮືອນ​ພັກ 230 ຫຼັງ ຮ້ານ​ອາຫານ 48 ແຫ່ງ ສາມາດ​ຮອງ​ຮັບ​ບັນດາ​ແຂກ​ທັງ​ພາຍ​ໃນ ແລະ ຕ່າງປະເທດ​ທີ່​ເຂົ້າ​ມາ​ທ່ຽວ​ຊົມ​ຫຼວງ​ພະ​ບາງ​ໄດ້ 4 ພັນ​ກວ່າ​ຄົນ​ຕໍ່​ມື້ ນອກ​ນີ້​ຍັງ​ມີ​ບໍລິສັດ​ທີ່​ໃຫ້ການ​ບໍ​ລິ​ການທ່ອງທ່ຽວ ຈຳນວນ 61 ຫົວໜ່ວຍ.

ທ່ານ ຄຳ​ແພງ ໄຊ​ສົມ​ແພງ ເຈົ້າແຂວງ​ຫຼວງ​ພະ​ບາງ ໄດ້​ໃຫ້​ຮູ້​ວ່າ: ຫຼວງ​ພະ​ບາງ​ເປັນ​ແຂວງ​ໜຶ່ງ​ທີ່​ມີ​ປະຫວັດສາດ​ອັນ​ຍາວ​ນານ 1.200 ກວ່າ​ປີ ມີ​ວັດທະນະທຳ-ຮີດຄອງ​ປະເພນີ​ອັນ​ດີງາມ ທີ່​ໄດ້​ຮັບ​ການ​ອະນຸລັກ​ຮັກສາ​ໃຫ້​ຄົງ​ຄຸນຄ່າ​ຕະຫຼອດ​ມາ ມີ​ທີ່​ຕັ້ງ​ພູມ​ສັນຖານ​ທີ່​ເໝາະ​ສົມ ແລະ ອຸດົມສົມບູນ​ໄປ​ດ້ວຍ​ທຳ​ມະ​ຊາດ ອັນ​ເປັນ​ອົງ​ປະກອບ​ທີ່​ສຳຄັນ​ເຮັດ​ໃຫ້​ຫຼວງ​ພະ​ບາງ​ມີ​ຄວາມ​ສວຍ​ສົດ​ງົດ​ງາມ ແລະ ເປັນ​ເອກະລັກ​ສະເພາະ ແລະ ອັນ​ພິເສດ​ອັນ​ໜຶ່ງ​ອີກ​ແມ່ນ​ມີ​ເມືອງ​ຫຼວງ​ພະ​ບາງ ເປັນ​ເມືອງ​ມໍລະດົກ​ໂລກ​ທາງ​ດ້ານ​ວັດທະນະທຳ ແລະ ທຳ​ມະ​ຊາດ ແຕ່​ປີ 1995 ເປັນຕົ້ນ​ມາ ຈາກ​ເງື່ອນໄຂ​ດັ່ງກ່າວ ນັກ​ທ່ອງ​ທ່ຽວ​ທັງ​ພາຍ​ໃນ ແລະ ຕ່າງປະເທດ​ໄດ້​ຮັບ​ຮູ້ ແລະ ໃຫ້​ຄວາມ​ສົນໃຈ​ເດີນທາງ​ເຂົ້າ​ມາ​ທ່ຽວ​ຊົມ​ຫຼວງ​ພະ​ບາງ​ຢ່າງ​ຕໍ່​ເນື່ອງ ແລະ ເພີ່ມ​ຂຶ້ນ​ແຕ່​ລະ​ປີ ສະເພາະ​ໃນ 6 ເດືອນ​ຕົ້ນ ສົກ​ປີ 2012-2013 ນີ້ ສາມາດ​ດຶງ​ດູດ​ນັກ​ທ່ອງ​ທ່ຽວ​ຕ່າງປະເທດ​ເຂົ້າ​ມາ​ທ່ຽວ​ຊົມ​ຫຼວງ​ພະ​ບາງ​ໄດ້​ທັງ​ໝົດ 221.895 ຄົນ ທຽບໃສ່​ໄລຍະ​ດຽວ​ກັນ​ຂອງ​ປີຜ່ານມາ ເພີ່ມ​ຂຶ້ນ 41.414 ເທື່ອ​ຄົນ ຫຼື ປະມານ 30% ສາມາດ​ສ້າງ​ລາຍ​ຮັບ​ໄດ້​ທັງ​ໝົດ 61,40 ລ້ານ​ໂດ​ລາ​ສະຫະລັດ ຫຼື ປະມານ 490 ຕື້​ກີບ ອັນ​ໄດ້​ກາຍເປັນ​ທ່າແຮງ​ຕົ້ນຕໍ ໃນ​ການ​ສ້າງ​ແຫຼ່ງ​ລາຍ​ຮັບ​ເຂົ້າ​ສູ່​ແຂວງ​ຫຼວງ​ພະ​ບາງ​ຢ່າງ​ຫຼວງຫຼາຍ.

ທ່ານ​ເຈົ້າແຂວງ​ຫຼວງ​ພະ​ບາງ ຍັງ​ໃຫ້​ຮູ້​ຕື່ມ​ວ່າ: ຈາກ​ທ່າແຮງ​ດັ່ງກ່າວ​ນັ້ນ ຄະນະ​ພັກ ອຳນາດ​ການ​ປົກຄອງ​ແຂວງ​ຫຼວງ​ພະ​ບາງ ຍາມ​ໃດ​ກໍ​ໄດ້​ເອົາໃຈໃສ່​ຊີ້​ນຳ-ນຳພາ​ໃນ​ການຈັດຕັ້ງ​ປະຕິບັດ​ວຽກ​ງານ​ບໍລິຫານ​ການທ່ອງທ່ຽວ ແລະ ການ​ສົ່ງເສີມ​ການ​ຜະລິດ​ເປັນ​ສິນຄ້າ​ຂອງ​ປະຊາຊົນ ເພື່ອ​ປັບປຸງ​ຄຸນ​ນະ​ພາບ​ຊີວິດ​ການ​ເປັນ​ຢູ່​ຂອງ​ປະຊາຊົນ ໃຫ້​ນັບ​ມື້​ດີ​ຂຶ້ນ​ເທື່ອ​ລະ​ກ້າວ ເສດຖະກິດ​ໄດ້​ຮັບ​ການ​ຂະຫຍາຍຕົວ​ຢ່າງ​ຕໍ່​ເນື່ອງ-ໝັ້ນ​ທ່ຽງ ໃນ​ລະດັບ 9,4% ສັງຄົມ​ມີ​ຄວາມ​ສະຫງົບ ແລະ ຍຸຕິ​ທຳ.

ຫຼວງພະບາງ ຖືກເລືອກໃຫ້ ເປັນເມືອງ ອັນດັບ 1 ຂອງໂລກ ທີ່ນັກທ່ອງທ່ຽວ ຢາກໄປທ່ຽວຊົມ ຫລາຍທີ່ສຸດ 08.02.2012 ຊົງຣິດ ໂພນເງິນ ພາບທີວທັດຂອງເມືອງຫລວງພະບາງ ຊຶ່ງເປັນເມືອງອັນດັບນຶ່ງ ທີ່ນັກທ່ອງທ່ຽວຕ່າງປະເທດ ນິຍົມໄປທ່ຽວຊົມຫລາຍທີ່ສຸດໃນໂລກ ແຊຣ໌ Print ນັກທ່ອງທ່ຽວຊາວຕ່າງປະເທດໄດ້ເລືອກໃຫ້ເມືອງມໍລະດົກໂລກ ຫຼວງພະບາງ ເປັນເມືອງ ອັນດັບ 1 ຂອງໂລກ ທີ່ບັນດານັກທ່ອງທ່ຽວຕ່າງປະເທດ ຢາກຈະເດີນທາງມາຢ້ຽມຢາມ ຫລາຍທີ່ສຸດ ໃນປີ 2012 ນີ້. ທ່ານຄໍາຕັນ ສົມພັນວິໄລ ຮອງຫົວໜ້າພະແນກການທ່ອງທ່ຽວຂອງແຂວງຫຼວງພະບາງ ໄດ້ສະແດງຄວາມເຊື່ອໝັ້ນວ່າ ບັນດານັກທ່ອງທ່ຽວທັ້ງຈາກພາຍໃນ ແລະຕ່າງປະເທດ ຈະພາກັນຫລັ່ງໄຫລເຂົ້າມາທ່ອງທ່ຽວໃນແຂວງຫຼວງພະບາງຫຼາຍເປັນພິເສດໃນຕະ ຫລອດປີ 2012 ນີ້ ເນື່ອງຈາກວ່າ ຫຼວງພະບາງບໍ່ພຽງແຕ່ຈະເປັນເມືອງມໍລະດົກໂລກ ທີ່ມີນັກທ່ອງທ່ຽວເດີນທາງມາຢ້ຽມຢາມເພີ້ມຂຶ້ນທຸກປີເທົ່ານັ້ນ ຫາກແຕ່ສໍາລັບໃນປີ 2012 ນີ້ ຫຼວງພະບາງກໍຍັງໄດ້ຖືກເລືອກໃຫ້ເປັນເມືອງອັນດັບ 1 ຂອງໂລກທີ່ບັນດາ ນັກທ່ອງທ່ຽວຈາກທົ່ວໂລກ ຢາກຈະເດີນທາງມາຢ້ຽມຢາມຫລາຍທີ່ສຸດອີກດ້ວຍ. ການຖືກເລືອກດັ່ງກ່າວເປັນຜົນມາຈາກການສໍາຫລວດຂອງ The Wanderlust ແຫ່ງ ປະເທດອັງກິດ ຊຶ່ງເປັນວາລະສານການທ່ອງທ່ຽວຊັ້ນນໍາຂອງໂລກ ທີ່ໄດ້ເປີດໂອກາດ ໃຫ້ບັນດາສະມາຊິກຂອງວາລະສານໃນທົ່ວໂລກ ໄດ້ເລືອກເອົາເມືອງທີ່ພວກຕົນຊົມ ຊອບຫລາຍທີ່ສຸດ ຈາກທັງໝົດຫລາຍກວ່າ 1,000 ເມືອງໃນທົ່ວໂລກ ຊຶ່ງກໍປະກົດວ່າ ເມືອງມໍລະດົກໂລກຫຼວງພະບາງໄດ້ຮັບຄວາມນິຍົມສູງສຸດ ແລະພ້ອມກັນນັ້ນລາວຍັງ ໄດ້ຖືກເລືອກ ໃຫ້ເປັນປະເທດ ອັນດັບທີ 6 ຂອງໂລກທີ່ນັກທ່ອງທ່ຽວຕ່າງປະເທດ ຢາກຈະເດີນທາງມາຢ້ຽມຢາມຫລາຍທີ່ສຸດ ໃນຕະຫລອດປີນີ້ອີກດ້ວຍ. ເນື່ອງຈາກມີຜົນສໍາເລັດດັ່ງກ່າວ ປະກອບກັບໃນຕະຫຼອດປີ 2012 ນີ້ ກໍຍັງເປັນປີທ່ອງ ທ່ຽວລາວ (Visit Lao Year) ອີກດ້ວຍນັ້ນ ຈຶ່ງເຮັດໃຫ້ ພະແນກການທ່ອງທ່ຽວຂອງ ແຂວງຫຼວງບາງເຊື່ອໝັ້ນວ່າ ຈະມີນັກທ່ອງທ່ຽວທັ້ງທີ່ເປັນຄົນລາວ ແລະຊາວຕ່າງປະ ເທດ ເດີນທາງເຂົ້າໄປໃນແຂວງຫຼວງພະບາງຫຼາຍກວ່າ 2 ລ້ານຄົນຢ່າງແນ່ນອນ. ວັດຊຽງທອງ ທີ່ຫລວງພະບາງ ສໍາລັບຕະຫລອດປີ 2011 ທີ່ຜ່ານມາ ກໍປະກົດວ່າມີ ນັກທ່ອງທ່ຽວເກືອບ 1.9 ລ້ານຄົນທີ່ໄດ້ເດີນທາງເຂົ້າ ໄປທ່ອງທ່ຽວໃນແຂວງຫຼວງ ພະບາງ ໂດຍໃນຈໍານວນດັ່ງ ກ່າວ ກໍເປັນຄົນລາວຫຼາຍ ກວ່າ 1.6 ລ້ານຄົນແລະເປັນ ນັກທ່ອງທ່ຽວຊາວຕ່າງຊາດ ຫຼາຍກວ່າ 274,500 ຄົນ ຊຶ່ງ ນອກຈາກ ຈະເພີ່ມຂຶ້ນຈາກ ປີ 2010 ຄິດເປັນອັດຕາສະ ເລ່ຍທີ່ສູງກວ່າ 26% ແລະສ້າງລາຍຮັບໃຫ້ແກ່ພາກບໍລິການໃນແຂວງໄດ້ຫຼາຍກວ່າ 164 ລ້ານໂດລາແລ້ວ ກໍຍັງປະກົດວ່າມີນັກທ່ອງທ່ຽວຕ່າງຊາດຈາກຫຼາຍໆ ປະເທດອີກດ້ວຍ ທີ່ພາກັນເດີນທາງເຂົ້າໄປໃນແຂວງຫຼວງພະບາງ ດັ່ງທີ່ເຈົ້າໜ້າທີ່ຄົນດັ່ງກ່າວໄດ້ຢືນຢັນວ່າ: “ບັນຍາກາດ​ການທ່ອງທ່ຽວໃນ​ໄລຍະ 3 ​ເດືອນ​ມານີ້ ກະ​ຄ່ອຍໆຄຶກຄັກ​ຂຶ້ນ ສຳ​ລັບນັກ​ທ່ອງ​ທ່ຽວ ສາກົນ ທີ່ເພີ້ມຂຶ້ນຈາກປີການ​ເກືອ​ບ​ຮອດ​ພັນ​ຄົນ. ນັກ​ທ່ອງ​ທ່ຽວ ທີ່ເຂົ້າມາ​ທ່ຽວຫລວງ​ພະ​ບາງ ເປັນອັນ​ດັບ​ນຶ່ງ​ກໍ​ແມ່ນນັກ​ ທ່ອງ​ທ່ຽວຈາກປະ​ເທດໄທ, ​ແລ້ວ​ອັນ​ດັບ​ສອງກໍ​ແມ່ນຈາກ​ປະ​ເທດອັງກິດ, ອັນ​ດັບ​ສາມ ​ແມ່ນ​ຈາກ​ປະ​ເທດ​ຝຣັ່ງ​ເສດ ​ແລ້ວ​ກະສີ່ ກໍ​ເປັນ​ເຢຍລະ​ມັນ ອັອສເທຣເລຍ ​ແລະ ສະຫະລັດອາ​ເມ​ຣິກາ.” ສໍາລັບໃນຕະຫຼອດໄລຍະປີການທ່ອງທ່ຽວລາວ 2012 ນີ້ ທາງການແຂວງຫຼວງພະບາງ ຄາດວ່າ ຈະມີນັກທ່ອງທ່ຽວຊາວຕ່າງຊາດຫຼາຍກວ່າ 360,000 ຄົນ ທີ່ເດີນທາງເຂົ້າໄປ ທ່ອງທ່ຽວໃນແຂວງຫຼວງພະບາງ ສ່ວນນັກທ່ອງທ່ຽວພາຍໃນປະເທດ ທີ່ເປັນຄົນລາວ ນັ້ນກໍເຊື່ອວ່າ ຈະມີຈໍານວນຫຼາຍກວ່າ 2.1 ລ້ານຄົນ ທີ່ຈະເດີນທາງເຂົ້າໄປທ່ອງທ່ຽວໃນ ແຂວງຫຼວງພະບາງຕະຫຼອດປີນີ້ ແລະ ກໍຈະເປັນຜົນເຮັດໃຫ້ພາກບໍລິການໃນແຂວງ ຫຼວງພະບາງມີລາຍຮັບເພີ່ມຂຶ້ນເປັນຫຼາຍກວ່າ 175 ໂດລາ ລ້ານອີກດ້ວຍ. ຕະຫລາດຂາຍເຄື່ອງຫັດຖະກໍາຢູ່ໃນເມືອງ ຫລວງພະບາງ ໃນປະຈຸບັນນີ້ ແຂວງຫຼວງ ພະບາງມີສະຖານທີ່ທ່ອງ ທ່ຽວທັງໝົດ 220 ແຫ່ງ ໂດຍແບ່ງເປັນສະຖານທີ່ ທ່ອງທ່ຽວດ້ານວັດທະນະ ທໍາ 82 ແຫ່ງ, ສະຖານທີ່ ທ່ອງທ່ຽວດ້ານປະຫວັດ ສາດ 32 ແຫ່ງ ແລະສະ ຖານທີ່ທ່ອງທ່ຽວທໍາມະຊາດ 106 ແຫ່ງ. ການທີ່ປະກົດວ່າມີນັກທ່ອງທ່ຽວເດິນທາງເຂົ້າໄປໃນແຂວງຫຼວງພະບາງເພີ່ມຂຶ້ນຢ່າງ ຕໍ່ເນື່ອງນັ້ນ ກໍຍັງເປັນຜົນເຮັດໃຫ້ມີບໍລິສັດທ່ອງທ່ຽວໄດ້ພາກັນໄປເປີດໃຫ້ບໍລິການ ຢູ່ໃນແຂວງຫຼາຍກວ່າ 50 ສາຂາແລ້ວ ອີກດ້ວຍ.